04.03.2021 - Crewyd partneriaeth newydd a fydd yn canolbwyntio ar sgiliau yng Nghanolbarth Cymru, yn ogystal â helpu i yrru twf economaidd trwy sicrhau bod y rhaglenni datblygu sgiliau iawn ar waith.
Crewyd partneriaeth newydd a fydd yn canolbwyntio ar sgiliau yng Nghanolbarth Cymru, yn ogystal â helpu i yrru twf economaidd trwy sicrhau bod y rhaglenni datblygu sgiliau iawn ar waith.
Cyhoeddodd Partneriaeth Tyfu Canolbarth Cymru eu bod yn creu Partneriaeth Sgiliau Canolbarth Cymru. Bydd y bartneriaeth newydd yn gweithio gydag arweinwyr busnes a rhanddeiliaid yr ardal er mwyn gyrru newid yn y maes sgiliau.
Erbyn hyn mae'r bartneriaeth yn chwilio am gynrychiolydd o'r sector preifat i'w harwain ac mae'r broses o enwebu Cadeirydd bellach wedi cychwyn.
Dywedodd Arweinwyr Partneriaeth Tyfu Canolbarth Cymru, y Cynghorwyr Ellen ap Gwynn a Rosemarie Harris: "Dyma gyfle cyffrous ar gyfer dysgu a sgiliau yng Nghanolbarth Cymru. Bydd y bartneriaeth newydd yn chwarae rhan bwysig o ran sicrhau fod y seilwaith dysgu a sgiliau'n diwallu anghenion economaidd a chymdeithasol Canolbarth Cymru.
"Rydym am benodi rhywun o'r sector preifat sydd â'r cymwysterau addas a'r ysbrydoliaeth i gadeirio'r bartneriaeth newydd. Byddan nhw'n allweddol o ran helpu i wireddu gweledigaeth yr ardal ar ddysgu a sgiliau, yn cynrychioli llais y sector preifat yn yr ardal i ddylanwadu a chefnogi'r gwaith o wneud penderfyniadau'n rhanbarthol ac i hyrwyddo'r ardal ar lefel genedlaethol."
I ofyn am ffurflen enwebu, e-bostiwch jo.weale@powys.gov.uk
Y dyddiad cau ar gyfer derbyn enwebiadau yw dydd Llun, 15 Mawrth 2021.
Rhannu'r dudalen hon
Argraffu
