Amdamoni Ni
Mae'r ardal Trafnidiaeth Canolbarth Cymru, a elwid gynt yn TraCC, yn cynnwys canolbarth Cymru o'r ffin â Lloegr yn y dwyrain hyd at arfordir Cymru yn y gorllewin ac yn cynnwys awdurdodau lleol Powys a Geredigion. Hefyd, mae'r ardal yn cynnwys rhan o Barc Cenedlaethol Bannau Brycheiniog. O 1 Ebrill 2024, cynllunio Trafnidiaeth Canolbarth Cymru yw cyfrifoldeb Cyd-bwyllgor Corfforaethol Canolbarth Cymru.
Beth fyddwn ni'n ei wneud?
Byddwn yn cydweithio â swyddogaethau priffyrdd a thrafnidiaeth gyhoeddus Cyngor Sir Ceredigion a Powys, i gynllunio a dylanwadu ar bolisi ar atebion rhanbarthol penodol i faterion trafnidiaeth integredig, datgarboneiddio lleol.
Byddwn yn cynorthwyo Llywodraeth Cymru i gyflawni ei strategaeth drafnidiaeth genedlaethol a fydd yn integreiddio polisïau trafnidiaeth ar sail ranbarthol ac yn nodi blaenoriaethau ar gyfer buddsoddi yn y dyfodol mewn cydweithrediad â phartneriaid.
Ein gweledigaeth bresennol yw:
"Cynllunio ar gyfer, a darparu mewn partneriaeth, system drafnidiaeth integredig yn rhanbarth Canolbarth Cymru sy'n hwyluso datblygu economaidd, yn sicrhau mynediad i bawb i wasanaethau a chyfleoedd, cynnal a gwella ansawdd bywyd cymunedol ac yn parchu'r amgylchedd".
Cynllun Trafnidiaeth Rhanbarthol Canolbarth Cymru
Mae Cynllun Trafnidiaeth Rhanbarthol Canolbarth Cymru bellach wedi'i gymeradwyo gan Lywodraeth Cymru. Mae'r cynllun yn amlinellu gweledigaeth drafnidiaeth hirdymor y rhanbarth, ei flaenoriaethau a'r ymyriadau arfaethedig, gan ddarparu fframwaith strategol i lywio buddsoddiad, cynllunio a chyflawni trafnidiaeth yn y dyfodol ar draws Canolbarth Cymru.
Mae'r Cynllun Trafnidiaeth Rhanbarthol llawn bellach ar gael ar ein tudalen Dogfennau.
Ymgynghoriad ar Gynllun Drafft Trafnidiaeth Rhanbarthol Canolbarth Cymru
Daeth yr ymgynghoriad hwn i ben ar 4 Ebrill 2025.
Gallwch weld yr ymgynghoriad gwreiddiol drwy glicio ar y ddolen hon.
Sut i gysylltu â ni:
Gallwch gysylltu â'r Swyddogion Rhanbarthol ym Mhowys a Cheredigion drwy:
tyfucanolbarthcymru@ceredigion.llyw.cymru
