Y Sefyllfa Bresennol o ran Cysylltedd yng Nghanolbarth Cymru - Welsh

Cynnydd dros y Blynyddoedd Diwethaf

Gwnaethpwyd cynnydd sylweddol o ran y seilwaith digidol ar draws Canolbarth Cymru, er bod heriau gwledig sylweddol yn bodoli o hyd.
Mae prosiectau mawr, megis Cyflymu Cymru LlC, wedi dwyn band eang cyflym iawn ac a all drosglwyddo data ar gyfradd gigadid i filoedd o eiddo, gan wella cynhwysiant digidol. Mae sawl prosiect a ariannir gan arian cyhoeddus ac arian masnachol yn mynd rhagddynt ar hyn o bryd er mwyn gwella'r ddarpariaeth bresennol.

Cymhariaeth band eang yng Nghanolbarth Cymru

· FTTP (Fiber to the Premises)

Canolbarth Cymru (Dechrau'r Rhaglen - Ebr 22): 27.7%
Canolbarth Cymru (Presennol - Meh 24): 50.6% (+22.9%)
Cyfartaledd yng Nghymru: 66.7%
Cyfartaledd yn y DU: 67%
Eiddo sy'n weddill: 59,989

· Cyflym iawn (30Mbps+)

Canolbarth Cymru (Dechrau'r Rhaglen - Ebr 22): 86.3%
Canolbarth Cymru (Presennol - Meh 24): 89.7% (+3.4%)
Cyfartaledd yng Nghymru: 97.3%
Cyfartaledd yn y DU: 98%
Eiddo sy'n weddill: 12,508

· Dan 10 Mbps (USO)

Canolbarth Cymru (Presennol - Meh 24): 6.5%
Cyfartaledd yng Nghymru: 1.6%
Cyfartaledd yn y DU: 1.2%
Eiddo sy'n weddill: 7,893

_{Cymhariaeth band eang yng Nghanolbarth Cymru}

Mae'r cwmpas 4G symudol wedi ehangu, yn arbennig trwy ymyriadau a ddarparwyd gan y rhaglen Rhwydwaith Gwledig a Rennir (SRN), ond nid yw ymyriadau lluosog wedi cael eu cwblhau eto. Bydd ardaloedd lle y gwelir cwmpas symudol a darpariaeth capasiti gwael yn parhau yn dilyn ymyrraeth SRN.

Effaith SRN a ragwelir yng Nghymru

Canolbarth a Gorllewin Cymru

Cwmpas 4G gan y 4 MNO
- Cyn SRN: 51%
- Disgwyliedig ar ôl SRN: 78%
Cwmpas 4G gan o leiaf 1 MNO
- Cyn SRN: 86%
- Disgwyliedig ar ôl SRN: 97%

Gogledd Cymru

Cwmpas 4G gan y 4 MNO
- Cyn SRN: 63%
- Disgwyliedig ar ôl SRN: 83%
Cwmpas 4G gan o leiaf 1 MNO
- Cyn SRN: 93%
- Disgwyliedig ar ôl SRN: 98%

Canol De Cymru

Cwmpas 4G gan y 4 MNO
- Cyn SRN: 82%
- Disgwyliedig ar ôl SRN: 90%
Cwmpas 4G gan o leiaf 1 MNO
- Cyn SRN: 98%
- Disgwyliedig ar ôl SRN: 99%

Dwyrain De Cymru

Cwmpas 4G gan y 4 MNO
- Cyn SRN: 71%
- Disgwyliedig ar ôl SRN: 89%
Cwmpas 4G gan o leiaf 1 MNO
- Cyn SRN: 95%
- Disgwyliedig ar ôl SRN: 99%

Gorllewin De Cymru

Cwmpas 4G gan y 4 MNO
- Cyn SRN: 79%
- Disgwyliedig ar ôl SRN: 88%
Cwmpas 4G gan o leiaf 1 MNO
- Cyn SRN: 97%
- Disgwyliedig ar ôl SRN: 99%

_{Effaith SRN a ragwelir yng Nghymru}

Mae Cynghorau Sir Powys a Cheredigion yn croesawu ac yn datblygu technolegau newydd megis LoRaWAN i gynorthwyo gweithrediadau sefydliadol a busnes. O'i chymharu â'r sefyllfa mewn Awdurdodau Lleol eraill, gwelir nifer uchaf y pyrth LoRaWAN yn cael eu defnyddio yn y ddwy Sir.

Sir Pryth

Powys 64
Ceredigion 52
Sir Gaerfyrddin 46
Gwynedd 45
Rhondda Cynon Taf 35
Sir Benfro 34
_{Enghraifft o ddefnydd pyrth LoRaWAN}

Prif Heriau

Darpariaeth Band Eang- Er gwaethaf y cynnydd, mae band eang cyflym iawn a gigadid ar ei hôl hi o hyd o'i gymharu ag ardaloedd eraill yng Nghymru a'r DU. Mae sawl prosiect a ariannir gan arian cyhoeddus a masnachol yn digwydd ar draws y rhanbarth.
Darpariaeth Symudol- Mae'r cwmpas a'r capasiti mewn rhai ardaloedd yn parhau i fod yn gyfyngedig oherwydd y topograffeg. Mae prosiect a ariannir gan SPF wedi cychwyn i 'fapio' data yn annibynnol er mwyn cynorthwyo ymyrraeth a datblygiad prosiectau.
Bwlch Sgiliau Digidol- Mae gofyn i'r rhanbarth, sydd â demograffeg sy'n tyfu ac sy'n heneiddio, gael cymorth wedi'i dargedu er mwyn addasu i dechnolegau digidol newydd a chael budd ganddynt. Bydd y dull gweithredu hwn yn helpu i bontio'r rhaniad digidol a meithrin twf economaidd.
Cyllid- mae maint y broblem yn sylweddol ac yn dilyn mentrau Llywodraeth Cymru a Llywodraeth y DU, megis SRN, Prosiect Gigadid, VHTR, yn ogystal â buddsoddiad gan TCC, mae'n debygol y bydd ardaloedd lle y mae'r cysylltiad yn wael, yn parhau.

Cyfleoedd

Rhwydweithiau 5G - Mae asesiad o'r ddarpariaeth 5G yng Nghanolbarth Cymru yn mynd rhagddo ar hyn o bryd, sy'n ceisio gwella'r cysylltedd yn sylweddol. Mae'r fenter hon yn ddibynnol ar sicrhau partneriaid sy'n gallu ymestyn cwmpas y sbectrwm, ac mae hyn yn arbennig o bwysig yn ystod y cyfnod mwyaf poblogaidd i dwristiaid, pan fo straen sylweddol ar y lled band sydd ar gael.
Technolegau sy'n Datblygu - Gall defnyddio LoRaWAN, y Rhyngrwyd Pethau (IoT) a Deallusrwydd Artiffisial (AI) drawsnewid sectorau allweddol fel amaethyddiaeth.
Datrysiadau band eang amgen - Ymgysylltu â darparwyr i ddefnyddio datrysiadau band eang amgen er mwyn goresgyn problemau oherwydd topograffeg a phoblogaeth brin.
Cydweithio ar draws Ffiniau - Gall partneriaethau rhwng cymunedau ger y ffin rhwng Powys a Cheredigion fanteisio i'r eithaf ar effaith prosiectau cysylltedd. h.y. ANW, SBCD, Partneriaeth Afon Hafren.
Mentrau Ffyniant Bro - Gall Tyfu Canolbarth Cymru a mentrau cysylltiedig ddwyn cyllid strategol a ffocws i'r rhanbarth.
Cyfleoedd Profi -Prosiectau peilot a gynhelir yng Nghanolbarth Cymru i brofi dilysrwydd graddfa h.y. treialon band eang lloeren DSIT.

Rhaglen Ddigidol TCC hyd yn hyn

£10.6m wedi'i 'glustnodi' er mwyn darparu'r ffrwd waith ddigidol. Ei nod yw cyflymu a chyd-fynd â defnydd arall a wneir o seilwaith digidol a ariannir gan arian cyhoeddus a masnachol. Darpariaeth band eang a symudol yn bennaf.

Amcanion y Rhaglen

Cynyddu cyfraniad buddsoddiad cyhoeddus/preifat a wneir eisoes mewn seilwaith digidol gymaint â £100m er mwyn darparu RoI o £180m erbyn 2030 (denu buddsoddiad, sicrhau elw economaidd).
Cyflawni targed o 80% ar ffurf cwmpas data symudol 4G yn yr awyr agored gan yr holl weithredwyr erbyn diwedd 2026 (Capasiti, Cwmpas a chyflymu). Mae hyn yn cynnwys cwmpas 4G o 1800MHz o leiaf, ac isafswm o 5G band canol.
Cyflawni targed o 60% o ran cwmpas ffeibr llawn erbyn diwedd 2026 (Cwmpas a chyflymu).
Cyflawni targed o 98% o ran cwmpas cyflym iawn erbyn diwedd 2026 (Cwmpas a chyflymu).

Gwaith presennol a gwblhawyd

Ymgysylltu parhaus gyda sawl gweithredwr band eang a symudol, gan gynorthwyo defnydd a ariannir gan arian cyhoeddus a masnachol, gyda sawl miliwn o bunnoedd yn cael eu buddsoddi yn y Rhanbarth.
Platfform mapio data symudol cynhwysfawr, trwy gyfrwng cyllid SPF, i gynorthwyo wrth adnabod ardaloedd ymyrraeth a chynorthwyo gweithgarwch gwneud penderfyniadau am flaenoriaethu, gyda'r cyfleuster archwilio cwmpas annibynnol ac sydd ar gael i'r cyhoedd cyntaf o'i fath.
Cymeradwyo Cytundebau Mynediad Agored (yng Ngheredigion ac yn symud yn eu blaen ym Mhowys), fel yr argymhellwyd gan DSIT i ddarparu'r defnydd o Asedau'r Cyngor gan ddarparwyr rhwydwaith er mwyn gwella rhwydweithiau diwifr band eang a symudol.
Gweithgarwch ymgysylltu â busnes trwy gyfrwng Arolwg Cysylltedd Digidol Busnes TCC. 91 ymateb gyda dirnadaeth ranbarthol benodol o anghenion cysylltedd digidol ar draws busnesau Ceredigion a Phowys.
Nodi sawl prosiect, ac mae datblygiad achosion busnes priodol yn mynd rhagddynt.

Cynlluniau ar gyfer y Dyfodol

Seilwaith Symudol- Gwella capasiti a chwmpas y rhwydwaith symudol, gan ddefnyddio celloedd bychain trwy ddefnyddio Cytundebau Mynediad agored (OAA) wedi'u hadlewyrchu ar draws y Rhanbarth yng Ngheredigion ac ym Mhowys.
Band eang- Ymestyn band eang a ffeibr all drosglwyddo data ar gyfradd gigadid i eiddo ychwanegol fel rhan o fenter caffael Mat C DIST ac ar gyfer y rhai heb eu cynnwys mewn defnydd masnachol arall.
Sbarduno LoRaWAN/ IOT- Cynyddu rhwydwaith LoRaWAN presennol y Rhanbarth er mwyn sicrhau cwmpas ym mhob tref a safle cyflogaeth strategol, gan ymgysylltu â busnesau i fanteisio ar y rhwydwaith mewn ffordd effeithiol.
Cysylltedd FTTP Parciau Busnes- Sicrhau bod cymaint o eiddo sy'n weddill ag y bo modd yn y parciau busnes yn cael eu cysylltu â darpariaeth FTTP, er mwyn sicrhau gweithrediadau busnes effeithiol, i ddenu busnesau newydd a chynorthwyo twf busnesau.
Canolfannau Digidol- Sefydlu rhwydwaith o ganolfannau 'wedi'u galluogi yn ddigidol' ar draws Powys a Cheredigion, a fydd yn cynnig mwy o gysylltedd digidol i breswylwyr a busnesau, gan gynorthwyo mwy o fynediad i wasanaethau, sgiliau digidol a deori busnesau.

Mentrau Digidol Cyngor Sir Ceredigion

Cysylltedd Cymunedol Gwledig

Partneriaeth gyda Voneus

Darparwr amgen mynediad diwifr gigadid a ffeibr llawn.
Dwyn band eang ffeibr i 5,000 o eiddo gwledig.
Sicrhau cydfuddiannu Cytundeb Mynediad Agored (OAA) a lofnodwyd gyda Chyngor Sir Ceredigion ym mis Mai 2024.

Cymorth i Openreach

Darparu tri phrosiect masnachol a gynhelir gyda chymorth Talebau:

Tregaron: posibilrwydd o 778 eiddo / posibilrwydd o £994,000 ar ffurf Cyllid Talebau - Yn cael ei Adeiladu ar hyn o bryd.
Rhydlewis: posibilrwydd o 762 eiddo / posibilrwydd o £994,000 ar ffurf Cyllid Talebau - Cyflawnwyd y Targed Cyllido / Bydd y gwaith Adeiladu yn cychwyn.
Maesycrugiau: posibilrwydd o 246 eiddo / posibilrwydd o £333,000 ar ffurf Cyllid Talebau - Y prosiect yn aros am y lansiad cyhoeddus ar hyn o bryd.

Uwchraddio Mastiau Symudol

Cynyddu'r cwmpas symudol yng ngogledd Ceredigion.
Caiff ei gynorthwyo gan y Rhwydwaith Gwledig a Rennir (SRN).
Darparwyd tri mast ac maent yn weithredol; mae wyth pellach yn cael eu hadeiladu, a disgwylir iddynt gael eu cwblhau erbyn diwedd 2025.

Cymorth Digidol Cymunedol

Parciau Busnes

Darparu cymorth trwy fenter "Atgyfnerthu Digidol Ceredigion a Phowys ".
Ceisiwyd cyllid gan bartneriaeth Rhanbarthol Tyfu Canolbarth Cymru.
Nod: Cau bylchau ffeibr llawn o ran y cwmpas, sicrhau bod yr holl Barciau Busnes dynodedig yn gallu cael mynediad i Fand Eang ffeibr llawn all drosglwyddo data ar gyfradd gigadid (rydym yn aros am y costau dangosol).

Rhwydwaith LoRaWAN

Mae gan Geredigion 52 o byrth wedi'u lleoli mewn mannau strategol.
Dim ond Powys yng Nghymru sydd mewn sefyllfa well o ran cwmpas.
Mae'n defnyddio dulliau arloesol, megis lorïau sbwriel, i brofi effeithiolrwydd y rhwydwaith.
Monitro pyrth yn barhaus er mwyn cynnal cysylltedd optimatidd.
Mae'n cynorthwyo datblygiad economaidd a thechnolegol.

Mynediad i wasanaeth Wi-Fi mewn Trefi

Gyda chymorth cyllid SPF, mae saith tref bellach yn cynnig mynediad Wi-Fi i breswylwyr a busnesau.
Ariannwyd hwn yn gyfan gwbl neu'n rhannol gan gyfraniadau Cynghorau Cymuned.
48 porth sy'n cael eu cynorthwyo gan lwybryddion Meraki.
Cysylltedd gwell yn Aberystwyth, Llanbedr Pont Steffan, Ceinewydd, Aberaeron, Aberteifi, Llandysul, a Thregaron.
Lleoli pyrth mewn ffordd strategol ar gyfer cwmpas Wi-Fi cadarn.
Mae'n hyrwyddo cynhwysiant digidol ac yn cefnogi gweithgareddau economaidd.
Mae'n sicrhau mynediad dibynadwy i'r rhyngrwyd mewn mannau cyhoeddus a rhanbarthau busnes.
Mae'n amlygu ymrwymiad Ceredigion i ddefnyddio technoleg ar gyfer datblygiad economaidd a chymunedol.

Cyflwyno SENSEi

Dan arweiniad Smart Busnes [sic], mae'r trefi yr ymgysylltwyd â nhw bellach yn paratoi i wella effeithiolrwydd eu cwmpas trwy gyflwyno troshaen SENSEi. Bydd SENSEi, technoleg a ysgogir gan AI, yn cynnig gallu dadansoddi data estynedig a gallu dysgu gan beiriannau er mwyn optimeiddio'r rhwydwaith Wi-Fi. Trwy integreiddio gwaith dadansoddi rhagfynegol a monitro amser real, bydd SENSEi yn sicrhau mynediad cadarn, dibynadwy ac effeithlon i'r rhyngrwyd. Bydd hyn yn hyrwyddo cynhwysiant digidol ymhellach, gan gynorthwyo busnesau lleol a meithrin twf economaidd yn y trefi clyfar hyn.

Mentrau Digidol Cyngor Sir Powys

Cysylltedd Cymunedol Gwledig

Cronfa Band Eang Lleol

Dyfarnu contract i Openreach trwy BT Wholesale i gysylltu hyd at 165 eiddo Anodd i'w cyrraedd ym Mhowys ynghyd â chysylltiadau damweiniol ychwanegol - bydd y gwaith yn cychwyn ar unwaith a chaiff ei gwblhau yn 2025. Bydd y prosiect yn defnyddio methodoleg amgen er mwyn mynd i'r afael â chysylltu eiddo anodd i'w cyrraedd, a bydd ganddo y potensial i ddangos fforddiadwyedd ar gyfer modelau cyllido amgen.

Partneriaeth gyda Voneus

Darparwr amgen mynediad diwifr ffeibr llawn a gigadid.
Yn dwyn band eang ffeibr i 12,000 o eiddo gwledig.
Ysgogi Cytundeb Mynediad Agored (OAA) cydfuddiannol wedi'i lofnodi â Chyngor Sir Powys mewn trafodaethau gyda HOD a chyfreithiol ar gyfer y gallu i ddefnyddio Dodrefn Stryd Powys i gynnal dyfeisiau symudol a ffeibr er mwyn gwella cysylltedd.

Cymorth i Openreach

Darparu 7 (Saith) o brosiectau masnachol gyda chymorth Talebau:

Llanbrynmair: posibilrwydd o 223 Eiddo / posibilrwydd o £423,000 ar ffurf Cyllid Talebau - Yn cael ei Adeiladu ar hyn o bryd.
Ceri: posibilrwydd o 514 Eiddo / posibilrwydd o £738,000 ar ffurf Cyllid Talebau - Yn cael ei Adeiladu ar hyn o bryd.
Maesyfed: posibilrwydd o 239 Eiddo / posibilrwydd o £342,000 ar ffurf Cyllid Talebau - Yn cael ei Adeiladu ar hyn o bryd.
Llanwrtyd: posibilrwydd o 216 Eiddo / posibilrwydd o £630 ar ffurf Cyllid Talebau - Yn cael ei Adeiladu ar hyn o bryd.
Llanrhaeadr: posibilrwydd o 380 Eiddo / posibilrwydd o £580,000 ar ffurf Cyllid Talebau - Yn cael ei Adeiladu ar hyn o bryd.
Aberriw: posibilrwydd o 336 Eiddo / posibilrwydd o £621,000 ar ffurf Cyllid Talebau - Yn cael ei Adeiladu ar hyn o bryd.
Tregynon: posibilrwydd o 411 Eiddo / posibilrwydd o £612,000 ar ffurf Cyllid Talebau - Ar fin cyflawni'r Targed Cyllid / Y gwaith Adeiladu ar fin Cychwyn.

Adrodd symudol TCC Streetwave

Mae TCC wedi gosod synwyryddion adrodd symudol ar 12 o Lorïau Sbwriel Powys sy'n teithio ar hyd a lled yr awdurdod, ac mae'r rhain yn adrodd yn ôl i ddangosfwrdd er mwyn cynnal archwiliad dwfn o broblemau cysylltedd symudol ym Mhowys - bydd y data hwn yn hynod o werthfawr wrth siarad â gweithredwyr Symudol gyda BT am y cam arfaethedig o stopio gwerthu i linellau copr a rhoi'r gorau i linellau ffôn PSTN traddodiadol. Bydd yn golygu y bydd modd adrodd canfyddiadau annibynnol i OFCOM mewn ardaloedd a dargedir lle y gwelir pryderon gan breswylwyr.

Mynediad i wasanaeth Wi-Fi mewn Canol Trefi

Gyda chymorth Trawsnewid Trefi a chyllid SPF, mae gennym 7 Canol Tref ym Mhowys sy'n cynnal Wi-Fi Am Ddim ac mae data am nifer yr ymwelwyr sy'n cael ei bweru gan Patrwm ar gael fel ffynhonnell agored i fusnesau, y 3ydd sector a'r cyhoedd. Rydym yn bwriadu cyflwyno hyn mewn 3 tref ychwanegol yn ystod tranche nesaf Cyllid SPF

Datblygu cymorth Digidol ar gyfer y Cymunedau Lleol

Gyda chymorth cyllid SPF, dyfarnodd Powys raglen ddigidol i Owens Consultancy sy'n darparu cynlluniau Bro Digidol i 3 Tref ym Mhowys, ynghyd â gweithio gyda busnesau a phreswylwyr ym maes dysgu a hyfforddi Technoleg sylfaenol. Mae hefyd yn cynnig y cyfleoedd i breswylwyr gychwyn ar bwnc TG mwy manwl er mwyn sicrhau cymwysterau. Cyflawnwyd hyn yn Ystradgynlais, Llanfair Caereinion a Chrucywel.

https://powysdigitaltowns.info/index.php